ముందుమాట

ముందుమాట

హాయ్!
నా పేరు బుజ్జాయ్!
నాకు కథలంటే ఇష్టమండోయ్
కబుర్లంటే సరదానండోయ్
అమ్మా నాన్నా అన్నాయ్
తాతా బామ్మా అక్కాయ్
మామ బావా అత్తాయ్
పిన్నీ చెల్లీ బాబాయ్
యెవరికీ తీరిక లేదండోయ్
మీకు మీ చిన్నప్పుడు అందరూ ఎన్నో కబుర్లూ కథలూ చెప్పేవారటగా...
అమ్మ అన్నం పెడుతూ...నాన్న చదువు చెబుతూ...తాత ముద్దాడుతూ... బామ్మ బుజ్జగిస్తూ...
అన్నా అక్కా ఆటాడిస్తూ...
ఆ ముచ్చట్లూ కథలూ ఇప్పుడు మాకు చెప్తేనే కదా తరతరాలుగా నిలిచుండేది...
అందుకనీ అందరు తాతా బామ్మలూ ! అత్తా మామలూ ! అన్నలూ అక్కలూ ! మీ గొంతెత్తి
( ఆడియో ... వీడియో ద్వారా ... ) మీకు వచ్చిన , నచ్చిన కథలూ, కబుర్లూ, పొడుపు కథలూ, పాటలూ, పద్యాలూ, ఇంకా ఇంకా బోల్డు...పంపిస్తారు కదూ.
ఆగండి ఆగండి ...చిన్న విన్నపం... కథలు నాకు చెప్తున్నట్లు ఉండాలి...నేను 'ఊ ' కొట్టాలి.. పద్యం, శ్లోకం నాకు నేర్పుతున్నట్లుండాలి. వీటిని నేను ఒక పద్ధతిలో వేరు వేరుగా కూర్చి ఒక " బ్లాగు " లోనుంచి తగినన్ని కథలు, కబుర్లు అందిన తరువాత ఆపై " ఆప్ " గా చేసి అందరికీ అందుబాటులోకి తేవాలని ఆలోచన ఉన్నది.దీనికి ఇష్టపడితే మీ కథలు, కబుర్లు , పాటలు , పద్యాలను చక్కని గాత్రంతో వినిపించండి. మీకు ఇష్టమైతే మీ పేరు, ఊరి పేరు మొదట చెప్పి ముచ్చటించండి. ప్రపంచం లోని మనతెలుగు పిల్లలు అందరూ చరవాణి లోకి 'నిం (వం) పుకుని ' వినగలి " గేట్లు " చేయాలి మరి.
ఈ " ఆప్ " ముందుముందు ముందు తరాల తెలుగు పిల్లలందరినీ పాటలు పాడి ఆడించాలి, పద్యాలు శ్లోకాలు నేర్పి నేర్పరులను చేయాలి, వారికి కథలతో లోకజ్ఞానాని అందివ్వాలి.
చదువు " కొనడానికి " బడికి వెళ్ళేలోపు చిన్న వాళ్ళమైన మాకు " ఉచిత " రీతిగా మాకు అర్థమైన భాషలో ఎన్నో నేర్పుతారుకదూ...
అన్నట్టు మీ కబుర్లు కథలు మీ మునిముని మనుమలు కూడా వినే అవకాశం కూడా కలగొచ్చండోయ్...
ఇక మొదలు పెట్టండండోయ్...
ఎదురు చూస్తుంటానండోయ్...
అందరికీ ధన్యవాదాలండోయ్...
ఆయ్....మీ బుజ్జాయ్....